Жылыой ауданы бойынша ақпарат

Құлсары қаласында Жем өзенінің су тасқыны 86 см-ге төмендегені байқалады.

Су тасқынының салдарын жою үшін 231 бірлік техника, жеке құрамнан 1198 адам, 18 бірлік жүзу құралдары, 19 бірлік мотопомпалар жұмылдырылды.

Жылыой ауданында су тасқыны кезеңінде барлығы 36 003 адам эвакуацияланды, оның 8 331-і бала. Эвакуацияланған тұрғындар Теңіз кен орнының аумағында, Майқұм селолық округіне, Мақат ауданы, Атырау қаласына, Маңғыстау облысына,  қалғандары эвакуациялық пункттерде және туыстары бойынша орналастырылды. Бүгінгі күнге дейін 19 мыңнан астам мал басы қауіпсіз жерге көшірілді.

Жағалауды нығайту жұмыстары, су сору және халыққа көмек көрсету жұмыстары жалғасуда.
Құлсары қаласында су тасқыны кезеңінде:
* 247 598 текше метр су сорылды,
* 170 000-нан астам қаптар төселген,
* 180 000 тоннадан астам инертті материал құйылды.

Тәулік бойы мониторинг жүргізілуде. Қауіпсіздікті қамтамасыз ету, адамдарды су басу аймақтарынан алдын ала эвакуациялау және құтқару бойынша барлық қажетті шаралар қабылдануда.

Бүгінгі таңда Жылыой ауданына республиканың түкпір-түкпірінен гуманитарлық көмек келіп түсуде. 
Сондай-ақ, кеше түнде Қырғыз Республикасынан 4 фура гуманитарлық көмек келді. Жалпы Атырау облысына келіп түскен гумаитарлық көмек 700 т астам құрайды. Гуманитарлық көмекті тікелей тасымалдау және жеткізу әуе және жер үсті тәсілімен жүзеге асырылады.

Келіп түскен барлық гуманитарлық көмек Құлсары қаласына, сондай-ақ эвакуацияланған адамдар орналасқан Теңіз вахталық қалашығына жіберіледі. 

Сондай-ақ, облыс бойынша, қала бойынша, Индер, Махамбет, аудан бойынша жағалауды нығайту жұмыстары қарқынды жүргізілуде.

Су басқан үйлердің тұрғындарынан және ұйым мен мекеме басшыларынан, бизнес субъектілерінен төтенше жағдайларға жол бермеу мақсатында су деңгейі толық төмендегенге дейін су басқан аумақтарға кірмеуін сұраймыз.

Дайындаған Ләззат ҚАРАЖАНОВА