Жылыой аудандық ауруханасында науқас қалған жоқ

Жылыойдың аудандық ауруханасынан 39 науқас пен оларға күтім жасайтын 8 адам Бейнеудің орталық аудандық ауруханасына эвакуацияланған.

Олардың ішінде екі жүкті әйел, 8 босанған әйел мен 13 бала, соның ішінде, 4 жаңа ғана дүниеге келген нәресте бар.  

- Су басу аумағынан реанимация бөлімінің 3 науқасын, хирургия бөлімінен 7, терапия бөлімінен 6 адамды эвакуцияладық. Жалпы, Атырау облысынан Бейнеу ауруханасына келетін науқастар үшін 300 төсек орны дайындалды. Оларға барлық қажетті көмек көрсетілуде,-деді Атырау облысы денсаулық сақтау басқармасының басшысы Қайсар Абдалиев.

Айта кетейік, Құлсарыдан Бейнеу ауруханасына дейінгі қашықтық 225 км. құрайды. Эвакуациялау жұмытарына 14 реаномобиль, 1 Икарус автобусы тартылып отыр, науқастардың қасында 8 дәрігер бар.