Апалы-сіңлілі дойбыдан ел чемпионы атанды

Құрманғазылық Айару Есенғұл көпшілікті сүйсінтті. 1-сынып оқушысы Ел чемпионатында дойбыдан бірден үш медальды иеленіп, Қазақстан чемпионы атанды.

Ол классикадан 1-орын, рапидтен 3-орын, блицтан 3-орын алды. Айару енді алдағы 12 сәуірде Өзбекстанда өтетін  Азия чемпионатында туған бауыры Амирамен ел намысын қорғайды.

- Айта кету керек, Айарудың  9 жасар апасы АМИРА Есенғұл дойбыдан Қазақстанның  екі дүркін чемпионы. Қазақстан Республикасының спорт шеберлігіне үміткер, - деп хабарлады Атырау облыстық білім беру басқармасының баспасөз хатшысы Эльмира ТҰҢҒАТАРОВА, 

Кішкентай чемпиондарға дойбы ойнауды атасы үйреткен. 

«Отбасымызда дойбыны кәсіби ойнайтын спорт шебері жоқ. Қыздарымыз ынта-жігерлерінің және жаттықтырушылары Бекжан ҚАБИЕВТІҢ тынымсыз еңбегінің  арқасында осындай жоғары жетістікке жетіп отыр» - дейді әкесі  Ернар ҚАРАЖАНОВ.

Ләззат ҚАРАЖАНОВА