В Атырау 0 
Бүгін Атырау қалалық жастар ресурстық орталығының ұйымдастыруымен Ақтөбе облысында тасқын судан зардап шеккендерге гуманитарлық көмек жіберді.
«Күшіміз бірлікте» акциясы аясында Атырау облысының гуманитарлық көмек көрсету пунктіне 8 тоннадан астам азық-түлік, киім-кешек және өзге де тұрмыстық заттар жиналған.
- Акцияға Атырау облысының ірі кәсіпкерлері мен тұрғындары және 100 ге жуық ерікті жастар жұмылдырылды. Дәл қазіргі уақытта 3 газель автокөлігі мен жастар ресустық орталығының 2 маманы Ақтөбе облысына жолға шықты. Гуманитарлық көмек тұрғындарға таратып беру үшін Ақтөбе қаласының жастар ресурстық орталығына табысталады, - деді орталықтың басшысы Мәнсия Сағидоллаева.
Айта кетейік, 1 сәуір 09:00 ден бастап Қызылқоға ауданындағы төтенше жағдайға байланысты Атырау қаласы, Бірлік ықшам ауданындағы "Ярмарка" супермаркетінің( Бұрынғы "Атаба" ) алдына арнайы гуманитарлық көмек (қапшық, киім-кешек пен бұзылмайтын азық- түлік т. б.) жинау үшін газель жүк көлігі (суреттегі) қойылды. Гуманитарлық көмек 1 сәуір күні кешкі 21:00 ге дейін қабылданды.
Байланыс үшін 8775 386 45 94 Алдоңғар.
Нұрбейбіт НҰҒЫМАНОВ
Суретті түсірген автор