Миялы көшелерін еріген қар суы басты

Тұрғын үйлерді су басу қауіпі жоқ, жағдай бақылауда, деп хабарлайды Атырау облысы ТЖД қоғаммен байланыс тобы. 

Сонымен қатар 19 наурызда Қызылқоға ауданы Миялы ауылының көшелерінен 1486 м3 қар суын шығару жұмыстары жүргізілді. Авариялық-құтқару жұмыстарына Атырау облысы Төтенше жағдайлар департаменті Өрт сөндіру және авариялық-құтқару жұмыстары қызметінің №10 Өрт сөндіру бөлімінен 6 қызметкер, 2 мотопомпа, жергілікті атқарушы органнан 2 қызметкер және 1 бірлік техника, 3 мотопомпа жұмылдырылды.

Әкімдік пен құтқарушылардың күшімен аудан төңірегінде ағып жатырған "Ноғайты" және "Сағыз" өзендеріндегі су деңгейін бақылау үшін бақылау бекеттері ұйымдастырылды.

Ләззат ҚАРАЖАНОВА