В Атырау 0 
2024 жылғы 17 наурызда сағат 02:56-да 1984 жылы туған азамат Е.А-ның 16 наурыз күні сағат 06:00-де "Уаз" автокөлігімен "Аязби" қыстағына қарай мал іздеуге шығып, қайта оралмағаны туралы хабарлама түсті.
Сағат 03:30-дан бастап Мақат ауданының №8 өрт сөндіру бөлімінің күш-құралдары мен туыстары "Аязби" қыстағына қарай (Мақат кентінен 60 шақырым жерде) іздестіру-құтқару жұмыстарына шықты. Алайда, ол қыстақтан табылған жоқ.
Құтқарушылар дереу Қызылқоға ауданына қарай іздестіру жұмыстарын жалғастырды. Үздіксіз іздестіру жұмыстарының нәтижесінде, 17 наурызда сағат 07:45-те жоғалған адам Мақат ауылынан 80 шақырым жерде "Алабие" қыстағынан табылды. Жоғалған азаматтың жылқысын "УАЗ" автокөлігіне тиеп келе жатырғанда, батпаққа батып қалғаны анықталды. Жағдайы тұрақты, медициналық көмекті қажет етпеді.
Іздестіру-құтқару жұмыстарына ТЖД 3 қызметкері мен 1 бірлік техникасы және туысқандарынан 4 адам, 1 бірлік техника жұмылдырылды, деп хабарлайды Атырау облысы ТЖД қоғаммен байланыс тобы.
Ләззат ҚАРАЖАНОВА