"Қиындыққа тап болған адамдарға көмектесу мүмкіндігі"

Бүгінгі таңда Атырау облысының Төтенше жағдайлар департаментінде 27 әйел қызметкерлер жұмыс істейді.

Солардың бірі - бас маман-психолог Мадина Магзумова. Ол 1985 жылы Атырау облысының Құрманғазы ауданында дүниеге келген. 2006 жылы Х. Досмұхамедов атындағы Атырау мемлекеттік университетін "психология" мамандығы бойынша бітірген.

Психологтардың қиын жұмысы қоғамда үлкен құрметке ие, өйткені олардың қолында баға жетпес қазына — адамның психологиялық жағдайы мен өмірі. Психолог мамандығы үлкен шыдамдылықты, батылдықты және психикалық сезімталдықты қажет етеді. Азаматтық қорғау подполковнигі М. Магзумова 2010 жылдың ақпан айынан бастап азаматтық қорғау органдарында жұмыс істейді.

Мадинаның маман ретінде қалыптасу жолы 14 жылды құрайды. Осы жылдар ішінде ол кәсіби таңдауына бір минут та өкінбеді. Оның айтуынша, ол өзін басқа салада елестете алмайды. Мадина қолайсыз психологиялық жағдайлардың алдын алу мақсатында қызметкерлерді психологиялық тексеруді жүзеге асырады.

Моральдық-психологиялық ахуалды анықтау үшін аудандық бөлімшелерге барып Мадина ұжымда сауалнама, психологиялық тесттер мен консультацияларды өткізеді. Ол өзінің барлық функционалдық міндеттерін адал ниетпен орындайды. ҚР ТЖМ алғыс хаттарымен, құрмет грамоталарымен және төс белгісімен марапатталған. Екі ұл тәрбиелеп отырған бақытты ана.

Біздің кейіпкеріміз қызметін мақтанышпен атқаратынын атап өтті. "Әйелдерді құтқару жүйесінде жұмыс істеуге не қызықтырады?"  деген сұраққа ол "Қиындыққа тап болған адамдарға көмектесу мүмкіндігі" деп атап өтті.

Мереке күні Атырау облысы Төтенше жағдайлар департаментінің ерлер ұжымы барлық әйелдерді мерекесімен құттықтап, бар жақсылықты тілейді!