В Атырау
+4 
Атырау облысының қорғаныс істері департаментінде ҚР Қарулы Күштері қатарына көктемгі әскерге шақырылғандармен салтанатты іс-шара өткізілді, деп хабалайды Өңірлік коммуникациялар қызметі.
Іс-шарада Атырау облысы Қорғаныс істері жөніндегі департамент бастығы полковник Эльдар Шингалиев, Қарулы Күштердің ардагерлері, ауған ардагерлері, әскери-техникалық мектептің студенттері мен әскерге шақырылушылардың ата-аналары сөз сөйлеп, отан қорғаушыларға сәттілік тіледі.
- Отан алдындағы азаматтық борышты өтеу - үлкен мәртебе. Ата-аналарға алаңдамау үшін, қолайлы қызмет үшін барлық жағдайлар бар. Қазір Қарулы Күштерде барлық бөлімшелер демалыс күндері туыстарымен бейне келіссөздер жүргізу үшін Қорғаныс министрлігі арнайы сатып алған планшеттермен қамтамасыз етілген. Сондай-ақ, «Мерзімдік 2.0» бағдарламасы бойынша әскерге шақыру бойынша қызмет өткергендер еліміздің жоғары оқу орындарының біріне емтихан тапсырусыз және ҰБТ-ға тегін негізде түсе алатынын атап өткім келеді,- деді Э.Шингалиев.
Іс-шарада Атырау қаласының әскери-техникалық мектебінің студенттері патриоттық әндерді орындап, әскерге шақырылғандардың рухын көтерді.
- Отанды қорғау - әрбір азаматтың қасиетті борышы. Ер адамдардың өмірі әскерге дейінгі және әскерден кейінгі болып екі бөлікке бөлінеді. Әскерде олар қару-жарақ пен әскери техниканы қолдану дағдыларын игереді. Қызмет еткен жылы жас жігіттер ұзақ уақыт бойы байланыста болатын көптеген достар табады,- деді Қарулы күштердің ардагері, запастағы полковник Сағидолла Рысғалиев.
Айта кетейік, мерзімді әскери қызметте болған кезеңде несиесі бар әскерге шақырылушылар уақытша несие төлеуден босатылады.