Атырауда жолаушы автобус жүргізушісіне шабуыл жасады

Атырау облысының полиция департаменті хабарлайды: 5 наурыз күні сағат 14:40 шамасында 47 жастағы ер адам қоғамдық көлікте №22 автокөліктің 49 жастағы жүргізушісін ұрып-соққан.

Қазіргі уақытта жүргізушіге келтірілген дене жарақатын анықтау мақсатында сот-медициналық сараптама тағайындалды. Күдіктіге қатысты бұзақылық дерегімен сотқа дейінгі тергеп-тексеру амалдары басталды.  

Нұрбейбіт НҰҒЫМАНОВ