Мақатта төрт отбасыға баспана кілті табыс етілді

1 313 рет қаралды

Бұл баспаналар Мақат ауданының құрылғанына 100 жыл толу мерейтойына орай, «Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы» негізінде жергілікті бюджет есебінен беріліп отыр.

Салтанатты шарада аудан әкімі Ринат ИБРАГИМОВ ауданда үй кезегінде тұрғандардың саны көп екендігіне тоқталып, бұл мәселе бірте-бірте өз шешімін тауып келе жатқанын атап өтті.

Баспана кілті кезегі келген көпбалалы отбасылар, ата-анасының қамқорлығынсыз қалған балалар және І мен ІІ-топ мүгедектігі бар санатындағы азаматтарға берілді.

Жақын уақытта тағы екі баспананың кілтін табыстау жоспарланып отыр. Бүгінде аудан бойынша 700-ден астам тұрғын үй кезегінде тұр.

Дайындаған Ләззат ҚАРАЖАНОВА

2 наурыз 2024, 22:08

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.