​Атырау облысының тұрғыны киіктің 600 мүйізімен ұсталды

Орал қаласында полиция қызметкерлері шамамен 600  киік мүйізін тәркіледі, деп хабарлайды Батыс-Қазақстан облысы полиция департаментінің баспасөз қызметі.

Полицейлер  «Браконьер» жедел профилактикалық іс-шарасы барысында автокөлікті тоқтатты. Жүргізушісі Атырау облысының тұрғыны екені анықталды. Ол уақытша ұстау изоляторына қамауға алынды. Аталған факті бойынша қылмыстық іс қозғалды. Тергеу жұмыстары жүргізілуде.