Балық инспекциясында жұмыс қызу жүріп жатыр

20 ақпан күні Атырау балық инспекциясының мамандары мұз астына заңсыз құрылған ау құралдарын анықтап, ҚР ӘҚБтК-нің 383- бабы 1-бөлімімен екі әкімшілік хаттама толтырды.

Иесіз ау құралдарынан алты келі қара балық тұқымдастар тәркіленіп, балық қабылдау мекемесіне тапсырылды.

Теңіз балық инспекциясы мамандары заңсыз ау құралына түскен бір бекіре тұқымдас балығын құтқарып, қайта табиғи ортасына жіберді. Балық аулауға тыйым салынған аумақта заңсыз ау құрып жүрген азаматқа ҚР ӘҚБтК-нің 383-бабы 1-бөлімімен хаттама толтырды.

Дамбы балық инспекция бөлiмi мемлекеттiк инспекторлары ММС, Жұмыскер ауылдары тұсында Жайық өзенi мұз айдыны астына заңсыз құрылған ау - алты дана иесiз ау құралдарын шығарса, Махамбет балық инспекциясы мамандары Жайық өзеніне құрулы күйіндегі иесіз төрт дана ау құралдарын анықтап, одан бөлек үш жеке тұлғаға ҚР ӘҚБтК-нің 383-бабы 1-бөлімімен үш әкімшілік хаттама толтырды.

Нұрбейбіт НҰҒЫМАНОВ