В Атырау
-1 
Көпшілік "Сіз бағдарламашысыз ба? Бағдарламашы сияқты бірдеңе айтыңызшы" Немесе дәрігерлер, дизайнерлер, жүргізушілер және т.б. туралы сияқты.
Әрине," бағдарламашы тілінде бірдеңе айту " бәрінен сұралмайды, бірақ бәрі осы сияқты сұрақтарға жауап бергені анық. Бұл сұрақтар спортшыларды да айналып өтпеді. Біз бұл мәселені біржола жабуды шештік.
"Барыс" капитаны және Parimatch амбассадоры хоккейші Роман Старченко өзінің спорт түрі туралы жиі кездесетін ыңғайсыз сұрақтарға бірінші болып жауап берді.
Неліктен хоккейшілер үнемі төбелесіп жатады? – Мен соңғы жылдары төбелес азайды деп айтар едім. Жалпы, бұл жағдай матч барысы көңілден шықпай жатса, ашу-ызадан арылудың, сергіп қалудың және командаға эмоциялар берудің әдісі болып табылады.
Ал арена қабырғасына соғылып қалғанда ауырады ма? – Егер ойыншы шабуылдаушыны көрмей қалса, байланыс кезінде әрекет етуге және бейімделуге уақыт болмай қалса, қатты ауырады. Бірақ тұтастай алғанда, жоқ, ауырмайды, арена қабырғалары темірден емес, пластиктен жасалған, сондықтан соқтығысу кезінде айтарлықтай зардап шекпейді.
Матч кезінде шайбаны қалай көріп үлгересіз? – Бұл тәжірибе мәселесі. Көптеген жылдар бойы шайбаны қуған спортшы, оны тіпті көзбен көрмей-ақ қай бағытта екенін сезеді. Көбінесе берілген пастың бағытын көру үшін немесе қарсыластың күшті шабуылынан аулақ болу үшін жан-жағыңа қарап жүресің. Неліктен шлемсіз алаңға шығуға болмайды?
– Дулыға қауіпсіздік пен басты қорғауды қамтамасыз ететін жабдықтың маңызды құрамдас бөлігі болып табылады. Егер шайба немесе сырғытпа таяқ қорғансыз басыңа тиіп кетсе, онда кем дегенде ашық бас жарасына, мүмкін одан да ауыр – ми шайқалуы немесе сыныққа әкелуі мүмкін. Сондықтан басты қорғау үшін шлем керек.
Неліктен хоккейде көп, ал футболда аз гол соғылады? – Алаң көлемі кішірек, жылдамдықтың арқасында гол соғылатын сәттер мен қақпаға лақтыру көп болады. Футболда бір матчта 2-3 соққы болуы мүмкін, ал бізде орташа есеппен 25-30 соққы бар. Сондықтан да гол саны көп.
Клюшкамен емес, конькимен ойнауға бола ма? – Ойнауға болады, оны реттейтін арнайы ережелер бар. Мысалы, алдыға жылжу үшін аздап итеруге рұқсат етіледі. Бірақ футболдағыдай қақпа бағытына қарай ұруға болмайды.
Қалай құлап қалмайсыздар? – Қиынға соғады, мен өзіме де үнемі осы сұрақты қоямын. Мұзда тайғақ, шайба мен клюшканы бақылау керек, оған қоса, үнемі біреу сізді құлатуға тырысып жатады. Шын мәнінде құлап қалмай, ойынды жалғастыру оңай емес.