Атырау-Орал тас жолында жол қозғалысы ережесін бұзудың 500 дерегі анықталды

5 және 29 ақпан күндері аралығында республика көлемінде «Қауіпсіз жол» жедел профилактикалық іс-шарасы өткізілуде, деп хабарлайды Атырау облысының полиция департаменті.

Республикалық маңызы бар Атырау-Орал тас жолдарында 500-ден астам жол қозғалысы ережесін өрескел бұзу дерегі анықталды. Соның ішінде:

- жылдамдық режимін сақтамаған - 457;

- басқа мемлекеттің құзыретті органында тіркелген көлік құралын басқарған - 54;

- көлік құралын басқару құқығы жоқ күйінде көлік басқарған – 1.

Сондай-ақ, жалған сақтандыру полисі және басқа мемлекеттің құзыретті органында тіркелген көлік құралын басқарған 2 жүргізуші анықталып, Индер аудандық полиция бөлімінің тергеу тобына тапсырылып, көліктер айып тұрағына қойылды.

Полиция департаменті «Қауіпсіз жол» іс-шарасы ақпанның 29-на дейін жалғасатынын және жол қозғалысына қатысушыларға жол ережесін қатаң сақтап, тас жолдарда жылдамдық режимін асырмауларын сұрайды.

Дайындаған Жомарт ӘМІРХАНОВ