Атырау әуежайында балағат сөз айтқан жолаушыға айыппұл салынды

Атырау қаласының әкімшілік құқық бұзушылықтар жөніндегі мамандандырылған сотында ӘҚБтК-нің 434-бабының 1-бөлігі бойынша («Ұсақ бұзақылық») Г.-ға қатысты әкімшілік құқық бұзушылық туралы іс қаралды, деп хабарлайды соттың баспасөз қызметі.

2024 жылғы 19 қаңтарда азамат Г. Атырау қаласындағы әуежайда «Manоr» кафесінің кассирі азаматша М.-ға былапыт сөз сөйлеген. Осылайша, ол қоғамдық тәртiптi бұзып, яғни ұсақ бұзақылық әрекетін жасап, айналасындағы адамдарға ізеттілдік танытпады. Г.-ның кінәсі өзінің мойындау түсініктерімен, іс материалдарымен және бейнежазбамен толық дәлелденді.

Сотпен құқықбұзушыға әкімшілік жаза қолдануда оның жауаптылығын жеңілдететін мән-жай ретінде әкімшілік құқық бұзушылық жасағанын мойындап, әрекетіне өкінуі ескерілді, ауырлататын мән-жай анықталған жоқ. Сот қаулысымен Г. әкімшілік құқық бұзушылық жасағаны үшін кінәлі деп танылып, оған 51 688 теңге мөлшерінде айыппұл түріндегі әкімшілік жаза қолданылды.

Сот қаулысы заңды күшіне енген жоқ.