Бүйірден соққан қатты желдің салдарынан Орал әуежайында ұшақтарды қабылдау тоқтатылды

Алматы - Орал бағыты бойынша ұшатын Fly Arystan әуе компаниясының 7165 рейсінің командирі Атыраудағы қосалқы аэродромға ұшуды ұйғарды, деп хабарлайды Орал апталығы.

Оралға болжамды келу уақыты 07.02.2024 ж. сағат 12:50.

Сондай-ақ қатты желдің салдарынан «Air Astana» әуе компаниясының 319/937 Майндағы Франкфурт - Астана - Орал рейсі және Атыраудан Qazaq air әуе компаниясының 421 рейсі кешіктіріледі деп күтілуде.

Әуежайдың баспасөз қызметі ұшу-қону жолағы толығымен қар мен мұздан тазартылып, ұшақтардың ұшып-қонуына дайын екенін хабарлады. Ұшу кестесінің өзгеруіне екпіні 20 м/с-қа дейін жететін бүйірден соққан қатты жел себеп болып отыр.