​Жұмыскер емханасында төбеден су ақты

Тәулік бойы жауған жаңбырдан дәрігерлік амбулаторияның төбесінен су кетіп тұр. Дәрігердің қабылдауын күткен емделушілер дәлізде тізілген шелектен аттап өтуге мәжбүр.

Жалпы емхана ғимараты 1976 жылы салынғаннан бері күрделі жөндеу көрмеген. 19 мың тұрғынға арналған ғимаратқа 2021 жылы жәй жөндеу жұмысы жүргізілді. Бірақ шатыры осал күйінде қалды.

"Жалпы Жұмыскердегі дәрігерлік амбулатория ғимаратын басқа орынға көшіру жоспарланған, - деп хабарлады облыстық денсаулық сақтау басқармасының баспасөз қызметі. - Ал бүгінгі жағдайға байланысты уақытша басқа ғимаратқа көшіру түстен кейін қолға алынады. Оған ғимарат дайын". 

Ләззат ҚАРАЖАНОВА