Көкарнадағы қайғылы оқиға: 3 айлық сәби қайтыс болды

2024 жылдың 5 қаңтарында тұрғын үйдегі газ жарылысынан жарақат алған үш айлық бала жансақтау бөлімінде қайтыс болды, деп хабарлайды балалар ауруханасының баспасөз қызметі.

Еске салсақ, қайғылы оқиға 2 қаңтарда болған. Газ жарылысынан үйдің қабырғасы опырылып, өртке ұласқан. Оқиға кезінде үй ішінде бір отбасының бес адамы болған. Олардың барлығы дене жарақаттарымен ауруханаға жатқызылды.

Кейін отбасының екі мүшесі: 1965 жылы туған ер адам және 1970 жылы туған әйел ауруханада көз жұмды.