Діни басқармадағы «сұр кардиналдар». Қайрат Жолдыбайдың жолы бола ма? «Редакцияның мүлкі мен жеке киімдерімізді, стақан-қасықтарымызды қайтарыңыздар!». «Таблиғи Жамағат» ұйымының басты белгілерін білесіз бе? Үкімет халықты 115 теңгемен «жарылқады.

AZATTYQ.ORG. «Иранның қатал жазасына ауғандар наразы» -  Есірткі тасыған 10 ауған Иранда дарға асылды. Олардың туыстары Ауғанстан үкіметін «есірткі саудасын қолдайды, ал халық кедейліктің кесірінен есірткі сатып кетті» деп айыптайды.

ALASHAINASY.KZ. «Жаңа дағдарысқа қарсы күресте тағы да мұнайға сенеміз бе?» - «Ортамерзімді ке­зеңге арнал­ған болжам туралы сөз қоз­ғай­тын болсақ, Қа­зақстан өніміне сыртқы сұран­ыс сақ­тала­ды, сондай-ақ инвести­ция­лар өседі. Қашаған кен орнын игеруді бастаумен байланысты, мұнай өндірісінің көлемі, болжам бойынша 2013 жылы 82 млн тоннадан 2017 жылы 102 млн тонна­ға артады. Осыған қарамастан өңдеу өнер­­кә­сібінің озық өсуі болжамдалады: бес жылда өңдеу өнеркәсібі – 41%-ға, тау-кен өндіру өнеркәсібі 25%-ға артады»

‘‘«Таблиғи Жамағат» ұйымының басты белгілерін білесіз бе?’’ - Енді еліміз үшін әлемнің 150 елінде қанатын кеңге жайған, 70-80 млн-ға жуық мүшесі бар «Таблиғи Жамағат» ағымы экстремистік ұйым болып есептеледі. Бірақ біз осы ағымның немен айналысатынын, өзгелерден қандай айырмашылығы бар екенін білеміз бе? Жоқ. Сол себепті де Үндістанның Кандаһла штатының Саһарнуфур деген жерінде дүниеге келген Мұхаммед Ілияс әл Кандаһлауи (1885-1944) іргетасын қалаған таблиғ жамағатының басты ерекшеліктерін айқындап, ол жолдан бұқараны сақтандыру һәм қоғамдық пікір туғызу мақсатында көзбен көрген жайларды оқырман назарына ұсынуды жөн санадық. 

AIKYN.KZ. «Талант тың жоқтығынан емес, талғамның жоқтығынан оңбай отырмыз» - Жақында Қарағанды облысының Нұра ауданында С.Сей­фул­лин­ге қойыл­ған ескерткіш ту­ралы «Ц.А.Монитор» газеті жазыпты. Ішінде бәрібар, ал кім жасағаны жоқ. Осының өзі-ақ бейнелеу өнеріне деген, суретшіге деген көзқа­растың айқын көрінісі. Ашы­ғын айтсақ, бұл– суретшіні қорлау. Адам қатарына қоспау. Қоғамдағы орны басқа өнер адам­дарына қарағанда төмен тұр­ған­дығының айғағы.

YVISION.KZ. «Ә.Бөкейхан: Дін таласы» - Кеше, яғни 5 наурыз күні қазақтың тұңғыш үкімет басшысы болған Әлихан Бөкейханның туған күні. Биыл Алаш ардақтысының туғанына 147 жылдың жүзі толып отыр. Айдарымыздың бүгінгі материалында Ә.Бөкейханның шығармасын ұсынамыз.

EGEMEN.KZ. «Лаңкестік – зұлымдықтың жабайы түрі» - Сарапшылар өздерінің жаса­ған талдауларында терроризм жа­һандық проблема екендігін, жыл өткен сайын ол халықаралық сипат алып бара жатқандығын атап өткен. Сондай-ақ онда терроризм мен экстремизм көріністері жиі кездесетін елдердің де ті­зі­мі берілген. Тізімді Ирак, Пәкс­тан және Иран елдері бас­тап тұр. Ал 2002-2011 жылдар ара­лығында жасалған террорлық әрекеттердің 35 пайызы Ирак пен Ауғанстан мемлекеттерінің аумағында жүзеге асырылыпты. Мәліметтерге қарағанда, тер­рористік шабуылдар 2006-2007 жылдары «шарықтау шегіне» жетіп, жиі көрініс берген. Одан кейінгі жылдары оның төмендеуі байқалған, бірақ терроризмнің қауіп-қатері жоғары деп баға­лан­ған.

HALYKSOZI.KZ. ‘‘Азамат ӘБІЛДАЕВ: «Олигархтар өзіне керегін үкімет арқылы шешеді, ал біздер оған қалай дауыс бергенімізді байқамай қаламыз»’’ – «Бірде мен әріптестеріме: «олигархтарға бір нәрсе керек болса, олар үкіметтің басшысына шығып, сол жақтан өздеріне қажетті дүниені жаздырып алады. Ал сол заң жобасы бізге келіп түскен кезде, қалай дауыс бергенімізді өзіміз де байқамай қаламыз» деген едім. Кейбір олигархтардың мекемелерінің қақпасынан салық инспекторлары түгілі, әкімдер кіре алмайды». 

MASA.KZ.«Ұсталмаған ұры немесе 10 миллиардтың жауабын кім береді?» - Қазақта «Не көрген алады, не көмген алады» немесе «Айран ішкен құтылады, шелек жалаған тұтылады» деген сөз бар. Біздің билік он миллиард үшін «сен ұрладың» деп маңдайының соры бес елі жазықсыз біреуді түрмеге жабуы да ғажап емес. 

BAQ.KZ. «Н.Назарбаев Кеден одағының тауарлы рыноктарына жүйелі талдау жүргізуді тапсырды» - Мемлекет басшысы тауарлы рыноктарға, атап айтқанда шекаралас аумақтарға жан-жақты талдау жасау жөнінде бірқатар тапсырмалар берді.

«Геннадий Головкин мен Бақтияр Артаевтың жекпе-жегі, 1997 жыл (ВИДЕО)» - Қазақстан - әлемдегі ірі бокс державаларының бірі екендігі сөзсіз. Әлемдік деңгейде өтетін байрақты бәсекелерден біздің боксшыларымыз ешқашан құралақан қайтқан емес. Үнемі ел намысын абыроймен қорғап келеді.

ZHASALASH.KZ. «Қым-қиғаш қысқарту “Қазақмыстың” керi кеткенiн көрсетедi» - Бұл алдын ала ақылдасылған шаруа ма, әлде кездейсоқтық па, былтыр 31 мамырда табиғаты тамырлас қос бұйрық шықты. Қарағандыда “Қазақмыстың” бас операциялық директоры С.Дьяченко “Жезқаз­ған­түстiмет” ӨБ құрамында қызметкерлердiң штаттық бiрлiгiн қысқарту туралы” №943 “к” бұйрығына, ал Жезқазғанда “Жезқазғантүстiмет” ӨБ бас директоры Ғ.Ахбетов “Қыз­мет­­тердi қысқарту туралы” №493 “к” бұйрығына қол қой­ды. Бас операциялық директор 25 қызмет орнын “отап” жiберген. Қызметiнен қағылғандар (“қу­ыл­ғандар” десе де болады) тамызға дейiн қам қылу керектiгiн айтыпты. Қызме­тiнен кететiн­дер­дiң қатарында осалы жоқ, ең төменгiсi — бөлiм бастығы.

SERKE.ORG. «Діни басқармадағы «сұр кардиналдар». Қайрат Жолдыбайдың жолы бола ма?» - Семейлік өкіл имам Ержан Маямеровтың Қазақстан мұсылмандары діни басқармасының  (ҚМДБ) төрағасы әрі Бас мүфти болып сайлануы түрлі болжам айтуға себепші болып тұр. Ондағы айтылатын негізгі ой мынаған саяды: жаңа төраға бұрынғы бас мүфти Әбсаттар Дербісәлі сияқты «қуыршақ» фигура, ол Астанадағы «Әзірет Сұлтан» мешітінің бас имамы, наиб-мүфти (бас мүфтидің орынбасары) Қайрат Жолдыбайдың айтқанына көніп, соның айдауымен жүреді. Ержан Маямеровты бас мүфти етіп сайлау тікелей Қайрат Жолдыбайдың қалауымен жасалды. Мұны кейбіреулер Ресейдегі саясатпен салыстырып, Е.Маямеровты  Д.Медведевке, ал Қ.Жолдыбайды В.Путинге теңеп те жатыр. 

AIKAP.KZ. «Қазақ тіліне қажеттілік пен мұқтаждық тудыру - кезек күттірмейтін іс.» - 28 жасында қазақ елінің премьер-министрі лауазымында қызмет атқарған, қазақтың біртуар ұлы Сәкен Сейфуллиннің сол замандағы қазақ мүддесі мен тіліне байланысты мына сөздерін оқып отырып, таң қалмасқа шарамыз жоқ. Себебі 100 жыл бұрын айтқаны бүгінгі күнде де өзекті, демек, 100 жыл болды: қандай болдық, сондай болып қалып барамыз.

JANAOZEN.NET. «ҚАЗАҚСТАНДЫ ҚАҚТЫҒЫСТАР КҮТІП ТҰР» - Бүгінгі таңда Ақорданың тапсырысымен Қазақстан туралы шетелдік бұқаралық ақпарат құралдарында түрлі жарнамалық мадақтама материалдар жиілеп кетті. Алайда, шетелдік беделді басылымдар мен сарапшылар бұл үрдісті елдегі саяси биліктің тығырыққа тірелгені, мемлекет басшысының дәрменсіздігі ретінде бағалауда. Төменде Қазақстанда қалыптасқан саяси жүйе мен оның салдары жайлы жазылған шетел баспасөзіне шолу жасап көрген едік.

«ҮКІМЕТ ХАЛЫҚТЫ 115 ТЕҢГЕМЕН «ЖАРЫЛҚАДЫ» -    Статистика агенттігі Қазақстандағы ақпан айындағы күн көріс минимумын жариялады. қазақстан халқы енді 17 мың 96 теңгеге тамақтанып, өмір сүруі тиіс. Қымбатшылық белең алған тұста, 17 мың теңге 17 миллион халықты қарық ете алады ма?

«ҰҚҚ жеке киімдер мен стақан-қасықтарды ұрлады ма?» - «Редакцияның мүлкі мен жеке киімдерімізді, стақан-қасықтарымызды қайтарыңыздар!». Бүгін Ұлттық баспасөз клубында «Стан» телекомпаниясының ұжымы Ұлттық қауіпсіздік комитетінің заңсыз тінту барысында тәркіленген техника мен жеке заттарын қайтаруын талап етті. Баспасөз жиынына компанияның құрылтайшылары, продюсерлері мен қызметкерлері қатысып, өз қарсылықтарын білдірді.