В Атырау 0 
ҚР Үкіметінің қаулысымен Руслан Ерғалиұлы Манатаев ҚР ауыл шаруашылығы вице-министрі лауазымына тағайындалды, - деп хабарлайды Tengrinews.kz тілшісі primeminister.kz сайтына сілтеме жасап.
Руслан Манатаев 1984 жылы Қарағанды облысында дүниеге келген. 2005 жылы Т. Рысқұлов атындағы Қазақ мемлекеттік экономика университетін, 2017 жылы - М. Тынышбаев атындағы Қазақ көлік және коммуникациялар академиясын, 2020 жылы - Назарбаев университетін тәмамдаған.
Әр жылдары коммерциялық құрылымдарда жұмыс істеген. 2014-2017 жылдары - "Транстелеком" АҚ басқарушы директоры, президентінің кеңесшісі.
2017-2018 жылдары - "Астана - жаңа технологиялар – 2008" ЖШС директоры. 2018 жылдан бастап қазіргі уақытқа дейін "Транстелеком" АҚ АТ-шешімдер жөніндегі басқарушы директоры, телекоммуникация жөніндегі вице-президенті, басқарма төрағасының орынбасары қызметтерін атқарған.