Қазақстандық хакер АҚШ-та 20 жылға сотталуы мүмкін

454 рет қаралды

АҚШ-та Қазақстан азаматы Андрей Турчинге интернет арқылы ақша жымқырды деген айып тағылды, - деп хабарлайды РИА Новости.

Іс 2018 жылы қозғалған. Әдетте АҚШ Әділет министрлігі басқа елдегі күдіктілерді де ұстау үшін мұндай істі құпия ұстайды. 

"Бүгін Вашингтон штатының Батыс округі бойынша кінә тағу туралы шешім шықты. Онда fxmsp деген есіммен танымал, Қазақстанның 37 жастағы азаматы Андрей Турчинге ақша жымқыру үшін құрылған киберқылмыс тобының жұмысына қатысы бар деген айып тағылды. Топ дүние жүзі бойынша білім мекемелері, билік өкілдері және көптеген компанияның компьютерлік желісін бұзған", - делінген әділет министрлігінің хабарламасында.

Турчинге кибералаяқтық бабының бес тармағы бойынша айып тағылды және енді ол 20 жылға қамалуы мүмкін.

9 шілде, 11:02

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.