Дәрігер қайтыс болған әріптестерінің тізімін жариялады - басқарма түсініктемесі

3 276 рет қаралды

Желіде коронавирустан көз жұмған дәрігерлерді еске алуға арналған видео жарияланды. 

Роликті шымкенттік гинеколог-дәрігер Әлібек Демеуов жариялаған болатын. Видео әлеуметтік желілерде тарап кетті.

Шымкент қаласының денсаулық сақтау басқармасы видеодағы тоғыз дәрігер қаладағы мемлекеттік мекемелерде жұмыс істегенін мәлімдеді.

"Медицина қызметкерлері 3 маусым  -7 шілде аралығында көз жұмды. Олар хирург, педиатр, гинеколог, лаборант, УЗИ маманы болып қызмет еткен. Өлім себебі - екіжақты пневмония", - деді денсаулық басқармасының баспасөз қызметі.

Желіде кейінірек жарияланған роликтегі тізімге 16 медицина қызметкері енген.

Бұған дейін бас мемлекеттік санитар дәрігер Айжан Есмағамбетова елде коронавирус жұқтырғандардың 11,5%-і медицина қызметкерлері екенін айтқан болатын. Бұл шамамен 5 мың адам. Олардың 18-і қайтыс болды.

Дереккөз: sputniknews.kz

8 шілде, 12:05

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.