В Атырау +4.9 
Нұр-Сұлтандағы мерекелік отшашу бүгін сағат 23:00-де онлайн көрсетіледі, - деп хабарлайды Tengrinews.kz тілшісі қала әкімдігінің баспасөз қызметіне сілтеме жасап.
"Бүгін Нұр-Сұлтанда Елорда күніне мерекелік отшашу өтеді. Тікелей эфир сағат 23:00-де Хабар24 телеарнасында көрсетіледі. Отшашу Есіл өзенінің (Орталық саябақ) жағалауында, Ботаникалық бақ (Қабанбай батыр даңғылы жағынан) және Пушкин – Абылайхан көшелерінің қиылысында басталады", - делінген хабарламада.
Отшашуға бюджеттен ақша бөлінбеген – шара демеуші қаражаты есебінен ұйымдастырылады.
"Тұрғындар санитария нормаларын қатаң сақтауы керек: маска тағып, әлеуметтік қашықтық сақтауы және антисептик қолдануы тиіс", - деген ескерту жасалды.
Еске салайық, бүгін қазақстандықтар астананың 22 жылдығын атап өтуде.