Атырау, 15 қаңтар 22:33
 бұлыңғыр боладыВ Атырау -4
$ 530.24
€ 543.97
₽ 5.16

Қазақстанда ҰБТ басталды

3 416 просмотра

Бүгін, 21 маусымда елімізде Ұлттық бірыңғай тест (ҰБТ) тапсыру басталды, деп хабарлайды Tengrinews.kz тілшісі.

ҰБТ-ны мектеп түлектері жоғары оқу орнына түсу үшін тапсырады. 

Білім және ғылым министрлігінің мәліметінше, ҰБТ биыл 21 маусым мен 5 шілде аралығында 161 пунктінде өтеді. Аудиториядағы адам саны 2 есеге қысқарады. Барлық аудиториядан онлайн трансляция жүргізіледі.

ҰБТ-ның алғашқы күні 161 пунктің 51-і ғана жұмыс істейді. Оның 44-і ауылдық жерлерде орналасқан. Орташа есеппен бір ҰБТ тапсыру пунктіне 120 адамнан келеді. 

Бүгін емтиханды тек 6,5 мың талапкер тапсырады. 

ҰБТ өткізілетін әрбір пункте медициналық-санитарлық талап күшейеді:

  • дезинфекциялық тоннельден өту,
  • арнайы дезинфекцияланған кілемшеде аяқ киімдерді зарарсыздандыру,
  • дене қызуын өлшеу, қолды зарарсыздандыру сұйықтығымен өңдеу,
  • медициналық маскалар беру.

Сондай-ақ, тестілеуге кіргізу және отырғызу кезінде тест тапсырушылар арасындағы арақашықтықтың кемінде 2 метр болуы тиіс, әрбір аудитория бактерицидтік құралдармен және ауа рециркуляторларымен кезең-кезеңімен желдетіліп өңделеді.

Сонымен қатар, биыл тест тапсырушыларға алғаш рет калькулятор пайдалануға рұқсат берілді.

Тестілеу уақыты 4 сағатқа дейін ұзартылды.

Айта кетейік, биыл ҰБТ-ны 131 755 адам тапсырады. Осы жылы ҰБТ форматына өзгеріс енгізілген жоқ. Түлектер 5 пәннен тест тапсырады: үш міндетті және екі бейіндік пән. Барлық тест тапсырмасының саны - 120, максималды балл - 140.

21 маусым 2020, 08:51

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.