Тоқаев бүгін телеарналар арқылы мәлімдеме жасайды

660 рет қаралды


 Қазақстан президенті Қасым-Жомарт Тоқаев телеарналар арқылы мәлімдеме жасайды.

"Бүгін сағат 21:00-де Мемлекет басшысы Қасым-Жомарт Тоқаев республикалық телеарналардың эфирінен еліміздегі төтенше жағдайға және мемлекеттің экономика мен әлеуметтік саладағы дағдарысқа қарсы іс-шараларына байланысты мәлімдеме жасайды", - деп жазды президенттің баспасөз хатшысы Берік Уәли.

Бұған дейін Қасым-Жомарт Тоқаев елде шағын және орта бизнес өкілдерінен түсіп жатқан көптеген өтініштерге байланысты елде әлеуметтік-экономикалық қолдау шараларының жаңа түрі әзірленіп жатқанын хабарлаған болатын.

Қазақстандағы төтенше жағдай

Мемлекет басшысының жарлығымен 16 наурыз - 15 сәуір аралығында елде коронавирусқа байланысты төтенше жағдай режимі енгізілді.

19 наурыздан бастап Алматы және астанада карантин жарияланды. 28 наурызда карантин күшейтілді. Енді тұрғындар тек азық-түлік дүкеніне, дәріханаға және жұмысқа ғана бара алады. 

Дереккөз: sputniknews.kz 

31 наурыз, 19:01

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.