Атырау, 17 маусым 20:57
 ашықВ Атырау +26
$ 450.79
€ 482.21
₽ 5.05

Мемлекеттік кіріс департаменті басшысы өз қызметкерінен пара алды деген күдікке ілінді

5 678 просмотра

Қайрат ЖҰЛМҰХАМБЕТОВ.

Атырау облысы бойынша мемлекеттік кірістер департаментінің басшысы пара алды деген күдікке ілінді. Бұл туралы ҚР сыбайлас жемқорлыққа қарсы агенттіктің баспасөз қызметі хабарлады.

- "Ол жанама салықтарды әкімшілендіру басқармасының басшысынан қызмет бабында алға жылжуы және жалпы қамқорлығы үшін талап етілген 10 мың АҚШ долларынан 3 мың АҚШ доллары көлемінде пара алды деп күдіктеледі", - делінген хабарламада.

Баспасөз релизінде МКД басшысының есімі аталмайды, сірә, бұл биыл мамыр айында осы лауазымға тағайындалған 43 жастағы Қостанай облысының тумасы Қайрат ЖҰЛМҰХАМБЕТОВ болса керек.

«АЖ» дереккөздері хабарлағандай, құқық қорғау органдарында сотқа дейінгі тергеу ісімен астанадан келген сыбайлас жемқорлыққа қарсы қызметтің жедел-тергеу тобы айналысуда.

Фархат ӘБІЛОВ

19 желтоқсан 2019, 14:35

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 700 672 70 30 нөміріне және editor@azh.kz поштасына жібере аласыз.