Атырау, 23 қазан 04:41
Таңертең ашық+12, күндіз +14
ҚР Ұлттық банкінің валюта бағамы: $ 389.75  € 434.26  P 6.12

Ескі қаланы сүрудің екінші кезеңі басталды

4 қазан 14:26


Мұнайлы астанада жеке тұрғын үй құрылысына жер алу үшін кезекте 87 956 өтініш тіркелген. Бүгінде жер қалаға қарасты Атырау, Ақсай, Көкарна, Водников, Жаңаталап, Тасқала, Дамбы ауылдық округтары аумағынан 1999-2004 жылдары өтініштер жазған азаматтарға беріліп жатыр. Бұл туралы брифингте қалалық жер қатынастар бөлімінің басшысы Наурызбек ҚҰМАРОВ мәлімдеді. Сондай-ақ ескі қаладағы үйлерді сүру туралы да әңгіме болды.

Әкімдік деректері бойынша, 2018 жылы 887 жер учаскісі берілсе, биыл 165 жер учаске берілген. Қараша айынан бастап жеке тұрғын үй құрылысы үшін 2005 жылы кезекке тұрған 2572 адамға жер беру басталады. 

Ескі қаланың аумағындағы үйлерді бұзу 12 кезеңге бөлінген. Бұл 2029 жылға дейін созылады. Бірінші кезең бойынша 18,1 гектар аумақтағы үйлерді сүру жұмыстары 2017 жылы басталған. Бұл жерден 262 нысан бұзылады. 171 нысанның иелеріне мемлекеттен 4 млрд. 845 млн. 408 мың теңге өтемақы төленген.

Қазір екінші кезеңге дайындық жұмыстары басталды. Биыл 8 тамызда Есенов, Ырыс, Пушкин, Гагарин, Молдағұлова, Нысанбаев көшелеріндегі және Бейбарыс даңғылы бойындағы жалпы ауданы 17,6 га жер учаскесін мемлекетке қайтару жөнінде қала әкімінің қаулысы шықты. Бүгінде бұл жөнінде осы аумаққа кіретін барлық тұрғындар хабардар етілді.

Әсем ЖОЛДЫБАЕВА        


Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1318 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3