В Атырау -11 
Қазақстан президенті Қасым-Жомарт Тоқаев алтыншы шақырылымдағы парламенттің бесінші сессиясын ашты, деп хабарлайды Sputnik Қазақстан тілшісі.
Парламенттің бесінші сессиясының ашылуына сенат пен мәжіліс депутаттары жиналған. Қос палатаның бірлескен отырысы барысында президент Қазақстан халқына арналған жолдауын жария етеді.
"Қазақстан Конституциясының 59 бабына сәйкес, алтыншы шақырылымдағы парламенттің бесінші сессиясын ашық деп жариялаймын", - деді парламенттің бірлескен отырысын ашқан президент.
Бұдан соң Қазақстан Республикасының мемлекеттік әнұраны шырқалды.
Тоқаев Twitter-дегі парақшасында парламент пен үкіметке есірткі, педофилия, жыныстық зорлық-зомбылық және адамға қарсы басқа да ауыр қылмыстар үшін қылмыстық жазаны қатаңдату туралы тапсырма беретінін жазған еді.
В Послании народу, с которым планирую выступить 2 сентября, будут высказаны поручения парламенту и правительству относительно ужесточения уголовного наказания за наркодилерство, педофилию, сексуальное насилие и другие тяжкие преступления против личности.
— Qasym-Jomart Toqayev (@TokayevKZ) 10 августа 2019 г.
Бұл жолы президенттің жолдауы отандық телеарналардан тікелей эфир арқылы көрсетілмейді. "Хабар 24" арнасында сағат 15:00-де саяси оқиғаға арналған арнайы шығарылым болады.
Бұл – Қасым-Жомарт Тоқаевтың алғашқы Жолдауы. Бұған дейін елді 30 жылдай басқарған тұңғыш президент Нұрсұлтан Назарбаев 23 рет жолдау жариялаған еді.
Айта кетсек, 2019 жылдың 9 маусымында Қазақстанда кезектен тыс президент сайлауы болды. Мемлекет басшысы лауазымына жеті адам таласты. Қасым-Жомарт Тоқаев сайлаушылардың 70,96% даусына ие болып, Қазақстан президенті болды.
Дереккөз: sputniknews.kz