Атырау, 10 желтоқсан 12:59
Кешке бұлыңғыр болады-2, түнде -3
ҚР Ұлттық банкінің валюта бағамы: $ 385.55  € 426.57  P 6.05

Атырау перинатальдық орталығында босанған әйел кесарь тілігінен соң көз жұмды ДОПОЛНЕНО

27 мамыр 22:37


26 мамырда Атырау облыстық перинатальдық орталығында 24 жастағы әйел қайтыс болды. Орталықтың бас дәрігері Қуаныш НЫСАНБАЕВ "АЖ"-ға осынау қайғылы оқиғаны растады.

- Ол бізге 24 мамырда 9 айлығында айы-күні жетіп түсті. 25 мамырда шаранасына қауіп төніп тұрғандықтан оған кесарь тілігі жасалды. 4 сағаттан кейін әйелдің жағдайы күрт нашарлап кетті. Ең тәжірибелі мамандар оның өмірі үшін күресті. Сәбиді аман алып қалды, ал анасы, өкінішке орай, көз жұмды, - дейді Қ.Нысанбаев. 

- Алдын ала диагноз қойылды ма?

- Иә, қағанақ суы эмболиясы. Енді сою нәтижелері мен сарапшылардың қорытындысын күту керек.  

- Қызметтік тергеу жұмыстары жүргізіле ме?

- Перзентхана қабырғасындағы әр өлім - біз үшін трагедия. Әзірге сараптама нәтижелерін күтеміз, содан соң қызметтік тексеру басталады.

«АЖ»-ға белгілі болғандай, осы факт бойынша Атырау қалалық полиция басқармасы ҚР ҚК-нің 317-бабының 3-тармағы (адам өлiмiне әкеп соққан медицина жұмыскерiнiң кәсiптік мiндеттерiн тиiсiнше орындамауы) бойынша сотқа дейінгі тергеу жұмыстарын бастады. Осыған байланысты сараптама тағайындалды. Облыс прокуроры Халидолла ДӘУЕШОВ бұл істі ерекше бақылауға алды.

Фархат ӘБІЛОВ

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

2224 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4