Атырау, 23 шілде 07:29
Күндіз ашық+30, кешке +24
ҚР Ұлттық банкінің валюта бағамы: $ 384.52  € 431.32  P 6.10

Азат Еуропа/Азаттық радиосы Қазақстан билігінің журналистерге қысымын сынады  

23 наурыз 10:26

Азаттық радиосы тілшісіне кедергі келтіріп тұрған белгісіз адам. Алматы, 22 наурыз 2019 жыл.

"Азат Еуропа/Азаттық радиосы" медиакорпорациясы 22 наурызда Астана мен Алматыдағы оқиға кезінде Азаттық радиосы мен "Настоящее время" журналистеріне жасалған кедергіні сынады.

22 наурызда Астана мен Алматыда полиция ондаған адамды ұстады. Екі қаладағы оқиғаны түсіруге барған Азаттық радиосы мен "Настоящее время" тілшілеріне сол маңда жүрген белгісіз адамдар кедергі келтірген.

Астанада бір топ белгісіз жас Азаттықтың түсірілім тобының камерасын көлегейлеп, полицияның адамдарды ұстап жатқан сәтін түсіртпеуге тырысты. Журналистер сол маңда жүрген полицияға шағымданғанымен, олар шара қолданбады.

Астанада "Настоящее время" телеарнасының тілшісі Светлана Глушкованы полиция ұстап алып кетіп, бірнеше сағаттан кейін босатты. 22 наурызда "Настоящее время" телеарнасының операторы түсірілім жұмыстары кезінде аяғын жарақаттап алған.

Азаттық радиосы Қазақ қызметі Алматы бюросының бас редакторы Қуанышбек Қариді "жедел түрде" қалалық әкімдікке шақыртқан. Қала билігі және прокуратура өкілдері Азаттық радиосын "саяси оқиғаларды біржақты таратып жатыр" және "араздықты қоздырды" деп айыптаған.

"Азат Еуропа/Азаттық радиосы" медиакорпорациясы өз мәлімдемесінде соңғы бірнеше айда Азаттық радиосы мен "Настоящее время" журналистеріне төртінші рет қысым жасалғанын айтты.

"Азат Еуропа/Азаттық радиосы" медиакорпорациясы президенті міндетін атқарушы Дэйзи Синделар Астана мен Алматыда тілшілерге жасалған кедергіні "тәуелсіз журналистерге қысым және саяси оқиғалардан хабар таратуға тырысқан ақпарат құралдарын бақылауда ұстау әрекеті" деп атады.


Дереккөз: Азаттық

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

548 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4

Последние новости