Данияр Елеусінов 37 жеңісі бар мексикалықты жеңді

Осылайша, қазақстандық спортшы кәсіпқой бокстағы алтыншы жеңісіне қол жеткізді. Қазақстандық боксшы Данияр Елеусінов (5-0, 3 КО) АҚШ-та кәсіпқой рингте алтыншы жекпе-жегін өткізді, деп хабарлайды Sports.kz.

Отандасымыз Филадельфиядағы (АҚШ, Пенсильвания штаты) Liacouras Center аренасында өткен бокс кешінде жұдырықтасты. Елеусінов жартылай орта салмақта 36 жастағы мексикалық Сильверио Ортиспен (37-23, 18 КО) қолғап түйістірді.

Сегіз раундтық жекпе-жек соңына дейін созылды. Елеусінов қарсыласын төрешілердің шешімі бойынша ұпай санымен жеңді.

Осылайша, қазақстандық спортшы кәсіпқой бокстағы алтыншы жеңісіне қол жеткізіп отыр, оның үшеуі – нокаутпен. Ал Ортис үшін бұл спорттық мансабындағы 24-ші жеңіліс.

Посмотреть эту публикацию в Instagram

Вот так, казахстанец Данияр Елеусинов победил 36-летнего мексиканца Сильверио Ортиса единогласным решением судей. #kaz #boxing #alga
Публикация от SPORTS.KZ (@kzsports) 15 Мар 2019 в 5:36 PDT

Елеусінов кәсіпқой рингке алғаш рет өткен жылдың сәуірінде шыққан болатын.

Дереккөз: sputniknews.kz