Эфиопияда апатқа ұшыраған ұшақтың ішінде қазақстандықтар болмаған - ҚР СІМ

Эфиопияда апатқа ұшыраған ұшақтың ішінде қазақстандықтар болмаған. Бұл туралы ҚР СІМ ресми өкілі Айбек Смадияров мәлім етті, деп хабарлайды ҚазАқпарат тілшісі.

«Эфиопиядағы ұшақ апаты салдарынан 33 мемлекеттің азаматы қаза тапты. Олардың ішінде Қазақстан азаматы жоқ. Өздеріңіз білетіндей, Мемлекет басшысы Нұрсұлтан Назарбаев Эфиопия Президентіне көңіл айту жолдау хатын жіберді», - деді Айбек Смадияров ҚР СІМ-де өткен баспасөз мәслихатында. Еске сала кетейік, Эфиопияда Ethiopian Airlines әуе компаниясының Найробиге бара жатқан ұшағы апатқа ұшырағандығы туралы бұған дейін хабарлаған болатынбыз. Сондай-ақ, ұшақта БҰҰ 19 қызметкері болған.

 Дереккөз: inform.kz