Назарбаев әйелдер қауымын 8 наурыз мерекесімен құттықтады

Қазақстан Президенті Нұрсұлтан Назарбаев әйелдер қауымын 8 наурыз мерекесімен құттықтады.

«Сіздерді 8 наурыз – Халықаралық әйелдер күнімен шын жүрегіммен құттықтаймын. «Ананың құдіреті шексіз. Оның алдында бүкіл дүние бас иеді» деп халқымызда тегін айтылмаса керек. Ерте заманда жауласқан жұрттың ортасына Ана ақ жаулығын тастаған кезде соғыс тоқтап, бітімге келетінін біз білеміз. «Ана» деген қастерлі сөзді естігенде тебіренбейтін жүрек, толқымайтын көңіл болмайды. Мемлекетіміз көпбалалы отбасылардың жағдайын жақсарту үшін тиісті шаралар қабылдап жатыр», - деді Нұрсұлтан Назарбаев.

Дереккөз: Ақорда