Орал қалалық полиция бөлімінің үшінші қабатынан секіріп кеткен белсенді азаптауларға шағымданды

Әлібек Ерғазиевті ортақ палатаға ауыстырғаннан кейін, ол туған-туыстарына полициядағы моральдық және физикалық қысым туралы айтып берді. Полиция қызметкерлерінің қорқытулары мен азаптаулары Әлібекті қалалық бөлімнің терезесінен секіруге мәжбүр етті.

Әлібек бізбен әлі кездесе алмайды. Ол әлі әлсіз, дейді туыстары. Алайда белсенді полиция бөлімшесінің үшінші қабатының терезесінен құлаған күні не болғанын айтты.

— Әлібек 16 ақпан күні таңертең азық-түлікке шықты. Көшеде оған бірнеше адам келіп, онымен полиция учаскесіне баруды сұрады. Онымен жергілікті полиция бастығы Данияр Рақышев кездескісі келетінін айтқан. Әлібек бас тартқасын, полиция қызметкерлері оны машинаға күштеп салып алып,алып кеткен – деді Әлібектің досы Мақсат Айсаутов.

Оны полиция учаскесіне әкелгеннен кейін оған қысым көрсете бастады. Полиция қызметкерлері тіпті күш қолданды, дейді әкесіне Әлібек.

– Ұлымды хаттамаға қол қоюға мәжбүр етті. Ол бас тартқан кезде полицейлер оны қорқыта бастады. Осының бәріне қатысқан жергілікті полиция қызметінің бастығы Данияр Рақышев, егер ол хаттамаға қол қоймаған болса, оған қылмыстық іс қозғалатынын айтқан, – деді Әлібек әкесі Тілек Ерғазиев.

Полиция қысымына шыдамаған Әлібек терезе жақтауына шығып, терезені ашқан. Секіріп кеткісі келгенде, Данияр Рақышев оған кедергі жасауға тырысқан. Ерғазиев тепе-теңдігін жоғалтып, оң жағымен құлап кеткен, дейді Тілек Ерғазиев ұлының сөзінше.

– Бүгін Әлібектен полицияның өзіндік қауіпсіздік басқармасының қызметкерлері жауап алды. Оның барлық айтқандарын бейнекамераға жазып алған, – деді белсенді Мақсат Айсаутов.

Қазір Әілбек Ерғазиевтің жағдайын дәрігерлер тұрақты ауыр деп бағалады. Белсендінің төрт қабырғасы, бұғанасы, қолы сынған.Бұғана сүйегіне ота жасалды.

Естеріңізге сала кетейік, 16 ақпан күні облыс әкімі Алтай Көлгіновтың есеп беру күні азаматтық белсенді Әлібек Ерғазиев ұсталды. Қалалық полиция бөлімінен ер адамды қалалық ауруханаға жеткізді. Дәрігерлер оны реанимация бөліміне ауыр жағдайда салды. Полиция нұсқауына сәйкес, Әлібектің өзі терезеден секіріп кетті. Бұл нұсқа зардап шеккен Әлібектің айтқандарымен сәйкес келмейді.

Әлібек Ерғазиев аурухана палатасында Асқар Шайғұмаровтың бейне жазбасынан скриншот

Дереккөз: uralskweek.kz