В Атырау 0 
Украинаның екі азаматын полиция 14 ақпан күні кешке қарай ұстап, алып кеткен. Оларға қатысты қозғалған әкімшілік іс сол күні түнде Астанадағы арнайы мамандандырылған әкімшілік сотында қаралған.
Федерация өкілі Максим Сытниковтың айтуынша, олар 15 ақпан күні жұмыстан шеттетілген Ақтау қалалық сотының судьясы Мәлік Кенжалиевпен бірге Астанадағы бірқатар елдің елшілік өкілдерімен кездесіп, сенбі күні кетуі тиіс болған.
Азаттық тілшісі Астана полициясына хабарласқанмен жауап ала алмады.
Ал Астана қалалық полициясына сілтеме жасаған жергілікті агенттіктер құқық қорғаушылардың "жеке шаруаларымен келіп, сапарына қатысы жоқ іспен айналысқанын", олардың жедел-профилактикалық шара аясында ұсталғанын жазды.
Бұған дейін Людмила Ворошина мен Валерий Явтушенко "жұмыстан шеттетілгенін" мәлімдеген судья Мәлік Кенжалиевтің баспасөз конференциясына қатыспақ болған. Кенжалиев Азаттыққа берген сұхбатында қызметтен алынуына жоғарыдағы басшылықтың елде экстремистік ұйым ретінде тыйым салынған "Қазақстанның демократиялық таңдауы" қозғалысының Telegram чатындағы жазбалары үшін істі болған Айгүл Ақбердиеваны соттау туралы бұйрығын орындамағаны себеп болғанын мәлімдеген.
Дереккөз: Аzattyq.org