​Астанада "Хайвилл Қазақстан" кеңсесі өртенді

Астанада "Хайвилл Қазақстан" кеңсесі өртенді, - деп хабарлайды Tengrinews.kz тілшісі.

Ғимаратта аталған құрылыс фирмасының сату кеңсесі орналасқан.  

"13 ақпанда сағат 21.11-де Астананың өртке қарсы қызметінің пультіне "Хайвилл Қазақстан" кеңсе ғимаратынан өрт шыққаны жайлы хабар түсті. Өртті сөндіруге жеке құрамның 65 адамы және 16 дана өрт сөндіру техникасы жұмылды. Алдын ала мәлімет бойынша зардап шеккендер мен қаза тапқандар жоқ", - деп хабарлады ҚР ІІМ ТЖК өкілдері. 

Өрт 22.45-те оқшауланды. 

Highvill Kazakhstan компаниясы Астанада бірнеше тұрғын үй кешенін салған.

Дереккөз: tengrinews.kz