​Перу мен Чилидегі елді мекендерді су басты

Перу мен Чилиде нөсер жауыннан өзендер арнасынан асып, елді мекендерді су басты. Перуде табиғат апатынан 10 адам қаза тауып, 14 тұрғын жарақат алды.

1 жарым мың үй мен 20-дан астам көпір бүлінген. Әсіресе ауыл шаруашылық алқаптарына көп нұқсан келген. Жергілікті билік жапа шеккен аудандарға ондаған мың тонна азық-түлік жеткізуде. 

Чилиде де дәл осындай жағдай. Мұнда тасқыннан көптеген тұрғын қауіпсіз жерге көшірілді. Бірақ әзірге табиғат апатынан қанша адамның зардап шеккені туралы ақпарат жоқ.

Дереккөз: 24.kz