​Назарбаев "ақылды қалаға" барды

Қазақстан Президенті Астанадан 110 шақырым жерде орналасқан Ақкөл қаласына келді. Бұл кішігірім елдімекен "ақылды қала" болуы тиіс, -деп хабарлайды Tengrinews.kz тілшісі. 

Нұрсұлтан Назарбаевқа Smart Aqkol жобасы таныстырылды. Жобаның мақсаты - қаланың өміріне байланысты барлық мәіметтер, сандық технологияның арқасында ситуациялық орталыққа жетіп, сарапталады. 

Мысалы, "ақылды қала" платформасы су мен жарықты пайдалану мәліметтерін сараптап, автоматты түрде аномальды заттарды анықтайтын болады.  

"Қарашаның басында жүйе қаланың 70 жастағы тұрғыны үш күн бойы су мен жарықты мүлде пайдаланбағаны туралы ескертті, біз осы туралы билікке жеткіздік, олар осыны тексердік. Барлығыда оң шешімін тапты: ол елордадағы балаларына барған", - деп мысал келтірді "ақылды қала" жұмысынан "Қазақтелеком" баспасөз қызметінің өкілдері.  

Жүйе кез келген өндірістік, жағдайяттық мәліметтерді және басқа да мемлекеттік дереккөздердің мәліметін сараптайды. Мұның барлығы болашақта азаматтардың әлеуметтік рейтингін қалыптастырып, қылмыс туралы ескерту жасап, ақпараттық контентті жылжытып отырады.  

"Ақкөлде ерекше технологиялық шешімдер қолданылған, ТМД елдерінде оның аналогы жоқ. Ақкөл коммуналдық қызметті тұтынушылар белгіленген Қазақстандағы бірінші қала. Ақкөлдегі қолданылатын интелектуалдық видеосараптама бүгінгі күннің өзінде жергілікті құқық қорғау органдарына қоғамдық тәртіпті бұзғандарды анықтауға көмектесті", - деді Tengri Lab бас директоры Әлімжан Есетов.

Smart Aqkol жобасын іске асыруға шамамен 2,5 миллиард теңге жұмсалған.  

Еске салайық, таяуда Ақмола облысы Ақкөл ауданында орналасқан Ақкөл қаласы Қазақстандағы алғашқы сандық қала болмақ екені хабарланды.  

Оның айтуынша, Ақкөлде алты айда біраз жұмыстар атқарылған. Айта кетейік, Ақкөл Астанадан 100 шақырым жерде орналасқан.

"Қалада толықтай  4G мен LoraWan желілері жұмыс істейді, 4500 су есептегіші ауыстырылды, 6000 электр қуаты есептегіштері ауыстырылды, көшедегі 250 жарық шамы ауыстырылды, барлығы автомат түрде жұмыс істейді",  -деді Есетов.

Дереккөз: tengrinews.kz