Атырау, 22 ақпан 19:51
Түнде ашық-5, таңертең +1
ҚР Ұлттық банкінің валюта бағамы: $ 375.95  € 425.80  P 5.74

Тіркелмеген телефондар неліктен сөндірілмегені белгілі болды

15 қаңтар 15:43


Ұялы байланыс операторлары өз абоненттерін авторизациядан өтуге – ұялы гаджетті өз ЖСН-іне тіркеуге шақырады. Ақпарат және коммуникация министрі Дәурен Абаев алдын ала ескертуге қарамастан, Қазақстан тұрғындарын ұялы байланыстан неліктен ажыратпағанын айтып берді.

Заң бойынша ұялы байланыста жұмыс істейтін телефондар мен басқа да құрылғылардың иесі операторға өз ЖСН-ін (егер ол жеке тұлға болса) немесе бизнес сәйкестендіру нөмірін (заңды тұлға) хабарлауы тиіс. 

Абаев ұялы құрылғыларды тіркеу процесі қалай жүріп жатқанын мәлім етті.

"Неліктен ажыратпағанымызды сұрап тұрсыз ба? Бұл жұмыс қазіргі таңда авторизациядан өтпеген адамдармен тұрақты жүргізіліп келеді, барлық ұялы байланыс операторымен жеке жұмыс істеп жатырмыз. Біз қолайсыздық туғызғымыз келмейді, қайта адамдардың телефонды пайдаланғанын қалаймыз", — дейді ведомство басшысы.

Қазіргі уақытта абоненттер ұсынған деректер салыстырылып жатыр. Ол аяқтала салысымен шешім қабылданады, деп толықтырды Абаев.

Бұдан басқа, министр Қазақстандағы интернет желісіне қолжетімділік проблемасына түсініктеме берді. Ол "тұрақты жұмыс істемейтін интернет" туралы ақпарат жалған екенін айтты.

"Оқтын-оқтын техникалық себептер туындайды. Біздің тарапымыздан ондай жоқ. Министрлік мәселемен тұрақты айналысады, біз жеке өңірлерде, қалаларда әрбір оператордың байланыс сапасын бақылап отырамыз", — деді үкімет отырысының клуарында Дәурен Абаев.

Абаев өзі үшін интернетке кірудің нақты кестесі жоқ екенін атап өтті.

"Кеше интернетке тоғыздың шамасында кірдім, ешқандай проблема болмады", — деді ол.

Ақпарат министрлігі желінің жұмысына кедергі келтірмейді, деп түсіндірді министр.

Қазақстанда қолданушылар интернет желісіне қолжетімділік проблемасына, атап айтқанда, YouTube, Facebook және мессенджерлерге кіре алмай қаламыз деп жиі шағымданады.

Дереккөз: sputniknews.kz

Нашли ошибку? Выделите её мышью и нажмите Ctrl + Enter.
 

562 рет қаралдыБасты бет Поделиться:

Подпишитесь и узнавайте о новостях первыми


Басты бет

1 2 3 4