​Қазақстанда күнкөріс деңгейі қанша

Ағымдағы жылдың қазанда ең төмен күнкөріс деңгейінің шамасы 28 620 теңгені құрады. Бұл туралы ҚР Ұлттық экономика министрлігінен мәлім етті, деп хабарлайды ҚазАқпарат тілшісі. 

Ведомство мәліметінше, негізгі тамақ өнімдерін тұтынудың ең төменгі нормаларынан есептелген орта есеппен халықтың жан басына шаққандағы ең төмен күнкөріс деңгейінің шамасы 2018 жылғы қазанда 2017 жылғы желтоқсанмен салыстырғанда 11,8 пайызға жоғарылады. 

Оның құрылымында ет пен балықты сатып алуға жұмсалған шығыстардың үлесі - 18,7, сүт, тоң май өнімдері мен жұмыртқаға - 14,6, жемістер мен көкөністерге - 12,7, нан және жарма өнімдеріне - 6,9, қант, шай және дәмдеуіштерге 2,1 пайызға жетті.  

Дереккөз: inform.kz