Ресейлік "Азимут" авиакомпаниясы жылдың соңына дейін Ростов-на-Донудан Алматыға тікелей әуе рейсін ашуды жоспарлап отыр. Бұл туралы авиакомпанияның бас директоры Павел Екжанов мәлімдеді, - деп хабарлайды ПРАЙМ тілшісі.
"Біз рейстер санын көбейтіп жатырмыз, атап айтқанда желтоқсанның соңында Алматыға да жол ашуды жоспарлап отырмыз. Ал келесі жылдың жазында Калининградқа рейс ашамыз деп ойлаймын", - деді бас директор.
"Азимут" әуекомпаниясы Ростов-на-Донудағы "Платов" әуежайында орналасқан. Қазір онда сегіз заманауи SSJ-100 ұшағы бар. Әуекомпанияның маршруттық желісі қазіргі уақытта Ресей аймақтарында, сондай-ақ Еуразиялық экономикалық бірлестік елдерінің қалаларында 32 бағытты қамтиды.
Дереккөз: tengrinews.kz