Атырау, 29 наурыз 19:09
 ашықВ Атырау +1
$ 448.15
€ 483.46
₽ 4.86

Батыс Қазақстанда 300-ден астам полицей жұмыссыз қалады

1 316 просмотра


Батыс Қазақстан ІІД құқық қорғау жүйесін қайта құру жобасына байланысты жеке құрамдағы қызметкерлердің 10-нан бір бөлігін қысқартпақ.

Батыс Қазақстан облысы ішкі істер департаменті үш жарым мың қызметкердің ішінен 300-ден астам полицейді жұмыстан шығаруды жоспарлап отыр, деп хабарлайды "Мой город" порталы.

Облыстық ішкі істер департаменті басшысының орынбасары Берік Аймурзиннің сөзіне сүйенсек, құқық қорғау жүйесін оңтайландыру жоспарына байланысты полицейлер өздеріне тән емес бірқатар қызметті атқармайтын болады. Алайда нақты қандай қызметтер туралы сөз болып отырғанын полиция басшысының орынбасары айта алған жоқ, тек жобаның Нұрсұлтан Назарбаевтың тапсырмасымен орындалатынын атап өтті.

"Осыған байланысты ішкі істер департаменті полиция департаменті деп аталып, полиция қызметін ғана атқаратын болады", — дейді Берік Аймурзин.

Оның хабарлауынша, 2019 жылы полицейлердің әрқайсысы аттестациядан өтеді.

"Ішкі істер органдарында заман талаптарына сай келетін қызметкерлер ғана қалады: білікті, заңгерлік білімі бар мамандар. Қазір жеке құрамының 10 %-ын қысқартуға кірісіп кеттік", — дейді Аймурзин.

Полиция басшының орынбасары атап өткендей, Батыс Қазақстан облысында ІІД жеке құрамының қызметкерлер саны 3 500 адам. Олардың 300-ден астамы жұмыстан шығарылады.

Дереккөз: sputniknews.kz

18 қазан 2018, 10:22

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.