Атырау, 29 наурыз 18:04
 ашықВ Атырау +1
$ 448.15
€ 483.46
₽ 4.86

​Қазақстан құрамасы Астанада Андорра құрамасын ойсырата ұтты

1 283 просмотра


Станимир Стойлов жаттықтыратын ұлттық құрама үшін бұл жеңістің маңызы жоғары болды.

Футболдан Ұлттар лигасы топтық кезеңіндегі төртінші ойында Қазақстанұлттық құрамасы Астанада Андорраны 4:0 есебімен ойсырата ұтты.

Ойындағы алғашқы голды 23 минутта Еркебұлан Сейдахмет соқты. Ресейдің "Уфа" клубында ойнайтын футболшы негізгі құрамда алаңға шығып, шеберлігін танытты.

39 минутта Еркебұлан нәтижелі пас беріп, Бауыржан Тұрысбек есепті еселеді. Қостанайдың "Тобыл" клубында ойнайтын футболшы да негізгі құрамда алаңға шыққан болатын.

Станимир Стойлов жаттықтыратын ұлттық құрама үшін бұл жеңістің маңызы жоғары болды. Екінші таймда да екі гол соғып, қазақ жанкүйерлерін қуантты. 61 минутта Бауыржан Исламханның әуелете асырған добын Андорра қақпашысы сәтсіз қайтарып, өз қақпасына допты енгізіп алды.

Бар-жоғы бірер минут ішінде екі сары қағаз алған Алаез қызыл қағаз алып, Андорра құрамасы 10 ойыншымен қалды.

70 минутта алаңға шыққан Роман Мұртазаев араға 4 минут сала есепті 4:0-ге жеткізді. Гафуржан Сүйімбаевтың әуелете берген добын баспен қақпа торында тулатты.

"D" тобында төрт ойыннан кейін Қазақстан құрамасы 5 ұпаймен 2-орынға көтерілді. Көш басындағы Грузия құрамасының ұпайы түгел. Бүгін түнде грузиндер Латвиямен кездеседі.

Дереккөз: vesti.kz

17 қазан 2018, 09:33

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.