Атырау, 27 сәуір 07:54
 ашықВ Атырау +27
$ 443.35
€ 475.54
₽ 4.82

​Ыстанбұл әуежайындағы қазақстандықтың өліміне қатысты жаңа деректер шықты

1 844 просмотра


ҚР Сыртқы істер министрлігіндегілер Ыстанбұл әуежайында қайтыс болған қазақстандыққа қатысты жаңа деректерді жариялады, - деп хабарлайды Tengrinews.kz тілшісі.

"Оның жұбайы Ыстанбұлға ұшып шықты. Біздің елші қолғабыс етіп, мәйітті тану шарасы өтті. Келесі күні ер адамның денесі Астанаға жіберілді. Тергеу жүріп жатыр, түрік полицейлерінен ақпарат күтеміз. Ол үйленген. Оның жұбайы оған қатысты қандай да бір мәліметті жарияламауды сұрады. Тергеу екі, үш айға созылады", - деді ҚР СІМ баспасөз қызметінің басшысы Айбек Смадияров.

СІМ өкілдерінің хабарлауынша, 27 қыркүйекте сағат 19.00-де Ыстанбұлдағы "Ататүрік" халықаралық әуежайында Қазақстанның 1981 жылы туған азаматы әкімшілік ғимараттың екінші қабатынан секіріп, суицид жасаған.  

"Ол 26 қыркүйекте Түркияға ұшып келіп, бір тәулік әуежайда қонған. Оқиға болған жерге келген түрік дәрігерлері оны құтқара алмады", - деп хабарлады министрліктегілер.

Дереккөз: tengrinews.kz

8 қазан 2018, 16:32

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.