Атырау, 19 қыркүйек 15:31
Кешке ашық+18, түнде +14
ҚР Ұлттық банкінің валюта бағамы: $ 369.36  € 431.30  P 5.45

Бас санитарлық дәрігер ең қауіпті тымау вирусын атады

14 қыркүйек 12:40


ҚР ДСМ Қоғамдық денсаулық сақтау комитетінің төрағасы Жандарбек Бекшин биылғы вакциналау шараларын түсіндірді, хабарлайды ҚазАқпарат. 

Оның сөзіне қарағанда, жыл сайын елімізде 500 мыңнан 1 миллионға дейін тұмау мен жіті респираторлық вирустық инфекциялардың жағдайлары тіркеледі. Өткен жылы алдын алу шараларының нәтижесінде  ЖРВИ саны азайып, 530 мың жағдай байқалды. «Биыл тиісті талдау жұмыстарын жүргіздік. Дүниежүзілік денсаулық сақтау ұйымының ұсынысы бойынша 2018-2019 жылдардағы эпидмаусымына жаңа вакцина жеткізілді. Бұл ресейлік «Гриппол+» вакцинасы құрамында тымаудың үш типі бар. Атап айтқанда, үш штамм арасында А (H1N1) - Мичиган, А (H3N2) - Сингапур, В - Колорадо қамтылған. Осы түрлері ең қауіпті деп саналады, оның ішінде Сингапур жаңа тип болғандықтан тымаудың бұл түріне иммунитет кеңінен қалыптаса қойған жоқ», - деп түсіндірді Ж. Бекшин. 

Бас санитарлық дәрігердің атап өтуінше, биыл вакцинаны жаппай егу шаралары елімізде 1 қазаннан басталады. Ал кейбір өңірлерде бұл жұмыстар ертерек іске асырылуы мүмкін. Белгілі болғандай, ЖРВИ-дың және тұмаудың эпидемиологиялық маусымы 2018 жылғы қазанда басталып, 2019 жылғы мамырға дейін созылады. Қоғамдық денсаулық сақтау комитетінің ақпараты бойынша Қазақстанда қазан айынан бастап тұрғындардың 10 пайызы вакцинацияланады. 2018 жылы бюджет қаражатына Ресейде өндірілген «ГРИППОЛ +» вакцинасының 1,5 млн дозасы 1 млрд 200 млн теңгеге сатып алынды. Вакцина A (H3N2) және A (H1N1) және В тұмау штаммдарының антигендерін қамтиды. Одан басқа Қазақстанда 3 өндірушінің тұмауға қарсы тағы 4 вакцинасы тіркелген. 

Таратылған мәліметтерге қарағанда, алдын алу мақсатында әрбір адам қалауы бойынша тұмауға қарсы ақылы түрде вакцина алады.  Бұл шаралар халықтың санитариялық-эпидемиологиялық саламаттылығы саласындағы уәкілетті органның рұқсаты бар жекеменшік вакцинациялау орталықтарында, тұрғылықты жері бойынша егу кабинеттерінде жүргізіледі. Тұмауға қарсы вакцинациялау жүргізілетін осындай медициналық мекемелердің мекенжайлары тұрғылықты жері бойынша аумақтық қоғамдық денсаулық сақтау департаменттерінің және денсаулық сақтау басқармаларының сайттарында орналастырылатын болады. Әртүрлі өңірлердегі ақылы егу кабинеттерінде тұмауға қарсы вакцинаның құны  1600 теңгеден бастап 3500 теңге аралығында болады деп күтілуде. 

 

Дереккөз: inform.kz

 

Нашли ошибку? Выделите её мышью и нажмите Ctrl + Enter.
 

214 рет қаралдыБасты бет Поделиться:

Подпишитесь и узнавайте о новостях первыми


Тақырып бойынша жаңалықтар

Енді облыстың бас санитарлық дәрігері болды  1412 рет қаралды

​Менингит: 2015 жылы 4 адам көз жұмды, қазір тыныш  813 рет қаралды

Ауа ластаушылар әлі іздестірілуде  1035 рет қаралды

Еліміздегі ең жемқор министрліктер мен облыстар жарияланды   1178 рет қаралды

Басты бет

1 2 3 4 5