В Атырау +1 
Атырау вокзалында полиция қала тұрғынын тінту кезінде рұқсат құжаты жоқ электрлік шокерді тапты. Электрлік қару тәркіленіп, құқық бұзушыға 33 670 теңге айыппұл салынды.
*****
Атырау қаласының №2 сотында ҚР Қылмыстық кодексінің 339-бабы («Жануарлардың сирек кездесетін түрлерімен заңсыз айналысу») бойынша Ливан Республикасының азаматына қатысты қылмыстық іс қозғалды. 2017 жылдың қарашасында ливандықтың қала базарларының бірінен 2 келі қара уылдырық сатып алғаны, содан кейін оны халықаралық рейс арқылы Стамбулға өткізуге тырысқан анықталды. Бірақ заңсыз жүкті әуежай қызметкерлері тексеру барысында анықтады. Сотталушы кінәлі деп танылып, оған 1 миллион 134 мың теңге айыппұл салынды, деп хабарлады №2 соттың баспасөз қызметі.
Фархад ӘБІЛОВ
15 ақпан 2018, 00:00