​Бразилияда түнгі клубқа жасалған шабуыл құрбандарының саны артты

Соңғы мәлімет бойынша, 18 адам ажал құшқан. Марқұмдардың дені – әйелдер. Оқиға 27 қаңтарда елдің солтүстік-шығысындағы Форталеза қаласында болды. 

Мұнда қарулы топ түнгі клубқа басып кіріп, бей-берекет оқ атқан. Артынша, ізін суытып үлгерген. Оларды бұл әрекетке не итермелегені әлі белгісіз. 

Кейбір мәлімет бойынша, бұл есірткі саудасымен айналысатын топтар арасындағы қақтығыс болуы мүмкін. Шабуылға нақты неше адамның қатысқаны да әзірге беймәлім. Жергілікті билік қастандықтың жіті дайындалғанын айтады.

Дереккөз: 24.kz