​Сүрия күрдтері Түркия ұшағын атып құлатты

Сүрия күрдтері Түркия ұшағын атып құлатты – деп хабарлайды Интерфакс ақпарат агенттігі. 

Жергілікті БАҚ өкілдерінің мәліметінше, Күрд халықтық өзін-өзі қорғау әскери жасағы Сүрияның Африн аумағына қарасты Шехурзе ауылы маңында Түркия әскери ұшағын атып құлатқан. 

Әзірге аталмыш оқиғаға байланысты ресми Анкара ешқандай мәлімдеме жасамаған. 

Естеріңізге салайық, қаңтар айының 20-сі күні Түркия армиясы Сүрияның Африн аумағында «Зәйтүн сабағы» атты әскери операциясын бастаған. 

Ресми Анкараның бұндай қадамдарға баруына АҚШ-тың «Сүрияда шекара күзетін қамтамасыз ету үшін арнайы жасақ құрамыз» деген мәлімдемесі себеп болған. 

Дереккөз. “The Qazaq Times”