Атырау, 18 қазан 06:27
Таңертең ашық+13, күндіз +16
ҚР Ұлттық банкінің валюта бағамы: $ 363.26  € 420.11  P 5.54

Үшінші «іссапар» - 2 жыл

11 қаңтар 20:28

Атырау қалалық №2 сотында «Қазгидромет» РМК филиалы директорының орынбасары А.А.-ға қатысты ҚР Қылмыстық кодексінің 189-бабы 3-тармағының 1-тармақшасы («Ірі мөлшерде бөгденің мүлкін иемдену») бойынша қылмыстық іс қаралды.

Сотта оның 2017 жылы қазан айында қызметке қажет деген сылтаумен филиал директорынан Каспий теңізі акваториясына экологиялық мониторинг жүргізу үшін іссапарға шығуға рұқсат алғандығы белгілі болды. Онымен бірге тағы 10 қызметкер баруға тиіс болады. Оның орнына А. А. 2 млн теңгеге теңіз кемесіне арналған 16 мың литр дизель отынын басқаларға сатып жібереді. Ал әріптестеріне іссапардың болмайтынын хабарлап, барлық іссапар ақшасын өзі иемденеді.

Біраз уақыттан кейін ол сол әрекетті қайталап, жалпы залал 4,5 млн теңгені құрайды.

Сотқа дейінгі тергеу барысында А.А. зиянды толығымен өтеп, прокурормен кінәсін мойындау туралы іс жүргізу келісімін жасады. Нәтижесінде шартты түрде 2 жылға бас бостандығынан айырылды.

Мұрат СҰЛТАНҒАЛИЕВ

Нашли ошибку? Выделите её мышью и нажмите Ctrl + Enter.
 

1065 рет қаралдыБасты бет Поделиться:

Подпишитесь и узнавайте о новостях первыми


Басты бет

1 2 3 4 5 6