Атырау, 29 наурыз 05:35
 ашықВ Атырау +4
$ 448.15
€ 483.46
₽ 4.86

Ақбөкендер бізге қоныс аударды

8 498 просмотра
Көрнекі сурет.
Қыстың жылылығынан, жыртқыштар саны азайып, шөп мол болғандықтан Атырау облысына ақбөкендер үйірі қоныс аударды. 10 жылдай уақыт өткеннен кейін Индер ауданының даласына Қызыл кітапқа енген ақбөкендер аяқ басты.

Екі күн ішінде (8-9 қаңтарда) облыстық орман шаруашылығы және жануарлар дүниесі инспекциясының қызметкерлері бұл жерден көршілес Батыс Қазақстан облысының аумағынан қоныс аударған жүз елудей жануарды санап шықты.  

- Жануарлар өз жолымен аман-сау кеткенше, браконерліктің алдын алу үшін ақбөкен көшкен ауданға біздің қызметкерлеріміз жіберілді. Осы мақсатта оралдық әріптестеріміз бен ақбөкенді қорғау қызметін атқаратын «Охотзоопром» РМК қызметкерлері келді, - деп хабарлады инспекцияның бөлім бастығы Азамат ӘБІҒАЛИЕВ.

Біраз уақыттан кейін ақбөкендердің басым бөлігі көрші аймаққа кері оралды. Атырау облысы Есбол ауылдық округінің аумағында 20-30 шақтысы жайылымға  қалды, олар кейіннен Махамбет және Құрманғазы аудандарына қоныс аударды.

Өткен жылы 17 адам ҚР Әкімшілік құқық бұзушылық туралы кодексінің 382-бабына (аң аулау ережесін бұзу) сәйкес, 17 адам әкімшілік жауапкершілікке тартылды, тағы екеуіне қатысты қылмыстық істер қозғалды. Бүгінде Қазақстандағы ақбөкендер саны 108 мың.

Мұрат СҰЛТАНҒАЛИЕВ

11 қаңтар 2018, 20:12

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.